Бүгүн, 2024-жылдын 26-сентябрында, Кыргыз Республикасынын Жогорку сотунун төрагасынын орун басары Нурлан Мусаев менен Евразиядагы «Теңдик азыр» эл аралык укук коргоо уюмунун өкүлү Тамар Деканосидзе жолугушту.
Жолугушууга Кыргыз Республикасынын Жогорку сотуна караштуу Сот адилеттигинин Жогорку мектебинин директору Анархан Базаралиева да катышты.
Тараптар өз ара аракеттешүү жана кызматташуунун келечегин талкуулашты.
Белгилей кетүүчү жагдай, Equality Now («Теңдик Азыр») 1992-жылдан бери дүйнө жүзү боюнча аялдардын жана кыздардын укуктарын коргоо жана илгерилетүү боюнча иш жүргүзүп келе жаткан БУУнун Экономикалык жана Социалдык Кеңешинин консультациялык статусундагы эл аралык укук коргоочу уюм.
