Жалал-Абад облусунун сотунун төраганын орун басары Бакыт Калыков, судья Шакирали Акбаров жана Сузак райондук сотунун төрайымы Нуржамал Маматалиевалар  “үй-бүлөнүн негизин бекемдөө” “энеликти, балалыкты жана башкаларды коргоо боюнча коомдук жана укуктук коргоону камсыз кылуу” жөнүндө Кыргыз Республикасынын мыйзамын түшүндүрүү боюнча иш чараларынын алкагында Сузак райондук мамлекеттик администрациясынын жыйындар залында Сузак райондук мамлекеттик бийлик органдарынын өкүлдөрү жана Сузак районунун имамдары менен жолугушуу өткөрүштү.

Иш-чаранын максаты — Кыргыз Республикасынын үй-бүлөлүк мамилелер жаатындагы мыйзамдарын чечмелөөдө жана колдонууда ажырашуунун жана үй-бүлөлүк зомбулуктун себептерин талкуулоо.

Жолугушуунун жүрүшүндө катышуучулар өспүрүмдөргө каршы зордук-зомбулук, үй-бүлөлүк зомбулук жана кылмыштуулукка бөгөт коюу жолдорун талкуулашты.

Жалал-Абад облустук сотунун басма сөз кызматы