Ушул күндөрү Өзбекстан Республикасынын Самарканд шаарында Борбор Азиядагы  судьялардын Диалогунун экинчи эксперттик жолугушуусу өтүп жатат. Аталган иш чарага Кыргыз Республикасынын судьялары А.А.Айдыралиева, Э.М.Шаршеев, Ж.П.Момбаев, Т.Ж.Насиров катышууда.

Диалогдун катышуучулары коопсуздук көйгөйлөрү, коомдук кызыкчылыктар, сөз эркиндиги жана өз оюн билдирүү, Борбор Азиядагы диний же этника аралык касташууга каршы укуктук чаралар, жалпыга маалымдоо каражаттарынын эл аралык контекстинде жалган маалыматтарды таратууну жөнгө салуу, ошондой эле Борбор Азиядагы беш мамлекетте сөз эркиндиги боюнча сот тутумунда жүрүп жаткан реформалар талкууланууда.

Самаркандтагы судьялардын Диалогу — бул 2018-жылы Бишкекте болгон жолугушуунун платформасынын уландысы. Бул иш чаранын максаты сөз эркиндигин жана жалпыга маалымдоо каражаттарынын эркиндигин коргоо, ошондой эле региондордогу практикалар менен алмашуу болуп саналат.