2021-жылдын 22-ноябрында  Жалал-Абад областтык сотунун судьясы Ильяс Ботоев Жалал-Абад шаарында жайгашкан №9 Р.Санатбаев атындагы жалпы билим берүүчү мектеп-гимназиясында “Өспүрүмдөр же жашы жете электердин  арасындагы кылмыштуулукту болтурбоо жана алдын алуу” максатында 9, 10, 11-класстын окуучулары менен маалыматтык жолугушуу өткөрдү.

Жолугушуунун алкагында, судья окуучуларга кылмыш-жаза мыйзамдарынын өзгөчөлүктөрү жөнүндө, аларга карата колдонулган чаралар, жашы жете электер тарабынан жасалган кылмыштар жана жоруктар боюнча сот өндүрүшүнүн өзгөчөлүктөрү боюнча маалымат берди.

Окуучулар өздөрү үчүн маанилүү болгон  суроолорду беришип, аларга мазмундуу жоопторду алышты.

Жолугушуунун соңунда, Жалал-Абад областтык сотунун судьясы Ильяс Ботоев окуучуларга бекем ден-соолук, окууларына ийгиликтерди  каалады.

Жалал-Абад областтык сотунун басма сөз катчысы  Мирлан Торомаматов