Кыргыз Республикасынын Жогорку сотунун судьясы Жаңыл Мамбеталы КТРКнын Ала-Тоо- 24 каналынын кыргыз жана орус тилдеринде чыга турган түз эфирдеги “Өзөктүү маселе” жана “Социум” программаларына катышты.
Программалардын жүрүшүндө Жаңыл Мамбеталы 2019-жылдын 1-январынан баштап соттук-укуктук реформанын алкагында күчүнө кирген 5 кодекс жана 2 мыйзамдын коомчулук, мамлекет үчүн канчалык мааниси бар экендигин айтып берди.
Мындан тышкары Бузуулар жана Жоруктар кодекстери боюнча түшүндүрмө берип, бирдиктүү сот практикасын келечекте иштеп чыгууда жаңы кодекстредин таасири канчалык болушу мүмкүн экендигине кеңири токтолду.
Ошондой эле жаңы кодекстер менен бирге эле жаңы терминдер дагы киргендигин маалымдап, жаңы институт болгон “ тергөө судьясынын ” өзгөчөлүгүн белгиледи.
Жаңыл Мамбеталы ар бир аптанын жума күндөрү Кыргыз Респуликасынын Жогорку сотунда жергиликтүү соттор менен видеоконференция уюштурулуп, жаңы кодекстерди колдонууда келип чыккан суроолорго ыкчам түшүндүрмөлөр берилип жаткандыгын кошумчалады.
