Бишкек шаардык соту “Мыйзамдын артыкчылыгы” коомдук фонду менен биргеликте соттун кызматкерлери үчүн “Кесиптик этика жана коррупцияга каршы саясаттын негиздери” аттуу семинар өткөрдү.
Семинар мамлекеттик кызматкерлердин квалификациясын жогорулатууга жана кесиптик этикасынын деңгээлин жогорулатууга багытталган.
Бул семинарга 25тен ашуун сот кызматкерлери катышты.
Семинарды Кыргызстан эл аралык университетинин окутуучусу, практик юрист, эксперт жана машыктыруучу Кыдырмамбет кызы Мээрим алып барды.
Тренингдин жүрүшүндө мамлекеттик кызматкер кандай болуш керек, мамлекеттик кызматта өз ара мамилелердин маданиятын кантип калыптандыруу керек жана мамлекеттик кызматкерлердин этикага сыйбаган жүрүм-турумун алдын алуу маселелери түшүндүрүлдү. Мындан тышкары, коррупцияга каршы жүрүм-турум стандарттарын калыптандыруу жана мамлекеттик органдардагы коррупцияга каршы күрөшүү үчүн жооптуу кызмат адамдары менен аларды ишке ашыруу практикасы жөнүндө маселелер белгиленди.
Семинардын аягында катышуучуларга сертификаттар тапшырылды.
