Соттун автоматташтырылган маалыматтык системасы (АМС) сот тутумунун ачык-айкындыгын камсыздоо менен сот органдарынын ишинин натыйжалуулугун жана сапатын жогорулатуу максатында иштелип чыккан.

Ысык-Көл областынын биринчи инстанция сотторун санариптештирүү иштери кандай жүрүп жатканы жөнүндө журналисттерге кененирээк Ак-Суу райондук сотунун төрагасы Нурдин Ибраимов, Каракол шаардык сотунун судьясы Айбек Токтобаев, Каракол шаардык сотунун бөлүм башчысы Кайнарбек Бексултанов жана Ысык-Көл областынын Административдик сотунун бөлүм башчысы Алмаз Джанболотовдор айтып беришти.

Анда учурда Ысык-Көл областы боюнча Ак-Суу райондук, Каракол шаардык жана Балыкчы шаардык сотторунун сот отурумунун залдарында аудио жана видео жаздыруу системасы орнотулганы белгиленди. Мындан тышкары, сот тутумунун ачык-айкындуулугун жогорулатуу максатында иштерди электрондук каттоо менен электрондук статистикалык карталар түзүлгөнү жана судьяларга иштерди автоматтык түрдө бөлүштүрүү ишке киргизилгендиги жөнүндө маалымат берилди.

Пресс-тур калктын маалымдуулугун жакшыртуу менен бирге укуктук маданиятын өркүндөтүп, жарандардын сот тутумуна болгон ишеничин жогорулатууга багытталган.

Ысык-Көл областтык сотунун басма сөз катчысы

Гульзада Аширбаева