Баткен областынын Кадамжай райондук жана Кызыл-Кыя шаардык сотторунун имараттарында коронавирус (СОVID-19 инфекциясы) респиратордук вирустук илдетин алдын алуу үчүн жана жайылышына бөгөт коюу максатында судьялардын, аппарат кызматкерлеринин кабинеттеринде жана сот отурумунун залдарында санитардык-эпидемиологиялык дезинфекция чаралары жүргүзүлдү.
Мындан тышкары, сот кызматкерлерин жана сот отурумунун катышуучуларынын коопсуздугун камсыз кылуу максатында областын, райондук жана шаардык соттордун имаратынын алдында атайын колду жуучу каражаттар коюлган. Кызматкерлер беткаптарды, антисептиктерди үзгүлтүксүз колдонуу менен коопсуздук эрежелерин сактап жатышат.