Региондордон ротация болуп келген сотторго турак жай куруу үчүн Кыргыз Республикасынын Президентинин облустагы өкүлчүлүктөрүнүн иш башкармалыгы тарабынан жер участоктору бөлүнүп берилди.

Айрым участокторго турак-жайдын фундаменттери куюлуп, курулуш иштерин баштоо алдында турат.

Мындан тышкары Кара-Суу райондук сотунун административдик имаратына катлован казылып  курулуш иштери башталды.

Ош облустук сотунун төрагасы Мирлан Боромбаев  Кара-Суу райондук сотунун төрагасы Эрлан Асанов жана Сот департаментинин Ош облустук башкармалыгынын башчысы Кубанычбек Байкишиев менен биргеликте курулуш иштеринин жүрүшүн жеринен барып көрүштү.