Жалал-Абад облустук сотунун судьяларынын жалпы чогулушунда жарандык жана экономикалык иштер боюнча төраганын орун басары болуп ушул эле соттун судьясы Бакыт Калыков шайланды.
Төраганын мурдагы орун басары Абдимиталип Абылакимов Кыргыз Республикасынын Президентинин 2020-жылдын 11-августундагы ротациялоо жарлыгынын негизинде Жалал-Абад облустук сотунан Баткен облустук сотуна которулган.
Жалал-Абад облустук сотунун төрагасы Улукбек Калыбеков сотторго жана аппарат кызматкерлерине чогулуш өткөрүп, жаңы шайланган төраганын орун басарын тааныштырып, Бакыт Калыковго ишине ийгилик каалап, иш боюнча насааттарын айтты.
Жалал-Абад облустук сотунун басма сөз катчысы
Мирлан Торомаматов