Санариптештирүү жана балдарды коргоо жылынын алкагында Нарын райондук сотунун демилгеси менен Нарын районунун Орто Нура айылындагы Бейшенаалы Бекжанов атындагы орто мектебинин 9-10-жана 11-класстарынын окуучулары менен жолугушуу уюштурулду.
Нарын райондук сотунун төрагасы Руслан Калдыбаев өспүрүм курактагы балдардын укуктары жана жоопкерчиликтери туураалуу мыйзамдар боюнча кенири түшүндүрмө берди. Жолугушуу андан ары суроо-жооп форматында уланып, мектеп окуучулары өздөрүн түйшөлтүп келе жаткан маселелердин дээрлик баардыгына жооп алышты. Жолугушууга айыл башчысы, мектеп директору жана мугалимдер да катышып, алар да бул жагдайда өздөрүнүн кеп-кеңештерин кошумчалашты.
Укуктук билимдерин жогорулатууда окуучуларды дагы кандай темалар кызыктыраарын мепктептин социалдык педагогу аныктап, кийинки айда райондук сот тарабынан уюштурула турган ачык эшиктер күнүнө баруусу макулдашылды.
Нарын облустук сотунун
басма-сөз кызматы
