Отставкадагы судья Ибраимов Молдозак Исмаиловичтин мезгилсиз дүйнөдөн кайткандыгына байланыштуу Жогорку соттун судьялары, жергиликтүү соттор жана Аппарат кызматкерлери маркумдун жакын туугандарына терең кайгыруу менен көңүл айтат.
Молдозак Ибраимов Талас облусунун Манас районундагы Май айылында 1957-жылдын 9-январында туулган. Эмгек жолун 1977-жылы баштаган. 1998-жылга чейин Казакстан жана Кыргыз Республикасынын Ички иштер органдарында эмгектенген. 1998-2003-жылдар аралыгында Талас облусунун арбитраждык сотунда, 2003-2004-жылдары Талас облустук сотунда судьялык кызматтарды аркалаган. 2004-жылы Талас облустук сотунун төрагасынын орун басары болуп дайындалган. 2013-2016-жылдар аралыгында Талас облустук сотунун төрагасы, 2016-2019-жылдары Талас облустук сотунун төрагасынын орун басары кызматтарында иштеген.
Кыргыз Республикасынын Президентинин Жарлыгы менен Молдозак Ибраимов I класттагы квалификациялык чен ыйгарылган.
Молдозак Ибраимов – бир катар наамдардын жана сыйлыктардын ээси. Анын ичинде Жогорку соттун II даражадагы “Кыргыз Республикасынын сот системасынын отличниги” медалы менен сыйланган.
Сот тутумундагы кызматкерлер Молдозак Ибраимовдун жакындарына терең кайгыруу менен көңүл айтып, орду толгус жоготууга байланыштуу кайгыларын тең бөлүшөт.
