Бул туурасында Кыргыз Республикасынын Жогорку сотунун төрайымы Гульбара Калиева Бишкек шаарынын Биринчи май райондук сотунун судьялары менен болгон жолугушууда билдирди. Жолугушуунун жүрүшүндө Г.Калиева судьяларды коомчулук менен ачык жана таза иштөөгө чакырып, жогорку жана орто окуу жайларда укук жана сот системасы туурасында лекцияларды уюштуруп, кесиптик жөндөмдүүлүктү жогорулатуу боюнча соттордун өзүндө тренингдерди уюштурууну айтты.
Мындан тышкары, элдин сотторго болгон ишенимин калыбына келтирүүгө багытталган бир катар маселелер талкууланды.
Ошондой эле Кыргыз Республикасынын Жогорку сотунун төрайымы көз карандысыз, адилет чечимдерди кабыл алуу үчүн жергиликтүү соттун материалдык-техникалык жактан камсыздалышы, онлайн угууларды өткөрүүнүн шарттары менен таанышты.
Эсиңиздерге сала кетсек, Кыргыз Республикасынын Судьялар кеңешинин чечими боюнча сот тутумун оптималдаштыруунун алкагында Биринчи май райондук сотуна аймактардагы жергиликтүү соттордон 14 судья ротацияланган.
