KG
Көрүүсү начар адамдар үчүн
Ишеним телефону 0 (312) 62-19-25 Бишкек шаары, Абдумомунов көчөсү 205
Кайрылуу жиберүү

Жогорку соттун төрайымы Нургуль Бакирова № 1019 шайлоо тилкесинде добуш берди

11 июля 2021

Бүгүн, 2021-жылдын 11-июлунда, Кыргыз Республикасынын  Жогорку сотунун төрайымы Нургуль  Бакирова Бишкек шаарындагы Жалил Садыков атындагы №84 орто мектебинде орун  алган № 1019 шайлоо тилкесинде добуш берди.


Белгилей кетсек, Кыргыз Республикасынын Бишкек, Ош жана Токмок шаардык кеңештеринин депутаттарын шайлоонун натыйжалары жараксыз деп табылгандыгына байланыштуу, жергиликтүү кеңештердин депутаттарын кайталап шайлоону өткөрүү максатында  бүгүн Бишкек, Ош жана Токмок шаардык кеңештеринин депутаттарына кайра шайлоо болуп жатат.


2021-жылы 11-апрелде 28 шаардык кеңешке өткөн шайлоодо үч шаардагы добуштардын жыйынтыгы жокко чыгарылган. Бүгүн, 11-июлда өтүүчү шайлоодо Бишкек шаарында 18, Ош шаарында тогуз, Токмок шаарында алты партия ат салышат.