Куттуктоо тексти:

Урматтуу кыргызстандыктар!

Сиздерди Кыргыз Республикасынын сот тутумунун жана жеке өзүмдүн атымдан Нооруз майрамыңыздар менен чын дилимден куттуктайм.

Орозо айынын алдында белгилеп жаткан Нооруз майрамыбыз бардыгыбызга жакшылыктарды алып келсин.

Нооруз — жаздын, тазаруунун, өзгөрүүнүн, жаӊы күндүн майрамы.

Эзелтен бул нукура элдик майрамды элибиз аруу тилек, жаңы үмүт, жаркын маанай менен тосуп, жыл башы катары кабыл алып келген.

Ата-бабалардан калган бул көөнөргүс салтыбызды дагы байытып, наркыбызды сактап, улутубуздун улуулугун уланта берели.

Нооруз жергебизге тынчтык жана токчулук алып келсин.

Элибиз айдан аман, жылдан эсен болсун.

Ар бир үй-бүлө бактылуу болуп, өлкөбүз өнүгүп, алдыга койгон ой-максаттарыбыз ишке ашсын.

Элибиздин ырыскысы артсын! Мамлекетибизге молчулук, кут-береке тартууласын!

Кадырман калкыма бекем ден-соолук, бакубат жашоо, ийгиликтерди каалайм.