Үстүбүздөгү жылдын апрель айында Кыргыз Республикасынын Жогорку сотунун төрайымы Нургуль Бакированын демилгеси менен сот адилеттигин жүзөгө ашыруу сапатын жогорулатуу максатында жергиликтүү соттордун аппаратынын ишин оптималдаштыруу боюнча жумушчу топ түзүлгөн.

Кыргыз Республикасынын Судьялар кеңеши 2022-жылга карата сот тутумунун бюджетинин долбоорун жана 2023-2024-жылдарга  болгон божомолдорун талкуулоодо сот аппаратынын штаттык бирдигин камсыздоо маселесин карады.

Кеңеш жумушчу топтун корутундусун изилдеп чыгып, анын жүйөлөрүнө макул болуп, судьялардын жардамчыларынын кызмат орундарын көбөйтүү боюнча  чечим кабыл алды.

Ошол эле учурда, аталган штаттык бирдиктер Судьялар кеңеши тарабынан жактырылган сот тутумунун бекитилген бюджетинин алкагында каржыланарын белгилейбиз.