Баткен областык сотунун төрагасынын жана облустук, райондук сотунун судьяларынын атынан төраганын орун басары Сайдибаказ Мусаев жана райондук соттун судьясы Индира Турдумамбетова Баткен районунун Ак-Татыр айылынын тургуну 94 жашка чыккан Жолдош Мурзакуловду Эл аралык карылар күнү менен куттуктап, белек тартуулашты.
Сайдибаказ Мусаев бардык улгайган адамдарды Эл аралык майрамы менен куттуктап, аларга ден-соолук, бакубат жашоо каалап, коомчулук улгайган адамдардын көйгөйлөрүнө жана алар муктаж болгон нерселерге көңүл буруп, улгайган адамдарга өзгөчө урмат-сый көрсөтүп, улуу муундун өлкөнүн өнүгүшүнө, элдин бакубат жашоосуна арнаган эмгеги бийик бааланарын белгилеп өттү.