2021-жылдын 18-февралында Баткен облустук сотунун судьясы Абдимиталип Абылакимов, Баткен областынын административдик сотунун төрагасы Мелис Жаманкулов жана Кыргыз Республикасынын Акыйкатчынын Баткен областы боюнча ыйгарым укуктуу өкүлү Камалдин Рахматулаев Баткен областтык мамлекеттик телерадиокомпаниясынын түз эфирине катышышты.
Уюштурулган түз эфирде сот-укуктук реформаны ишке ашыруудагы чаралар жана ага тиешелүү мыйзамдар жөнүндө, санариптештирүүнүн алкагында жүргүзүлгөн иш аракеттер тууралуу суроо жооптор болду.
Мындан сырткары түз эфирдин жүрүшүндө Кыргыз Республикасынын Судьяларын тандоо боюнча кеңешинин ишмердүүлүгү тууралуу, судья болуу үчүн мыйзам менен белгилеген талаптар, судьянын милдети жана жоопкерчилиги жөнүндө маалымат берилди.