Кызыл-Кыя шаардык сотунун төрагасы Акылбек Адимов жана судьялар Нурлан Аматов, Нургазы Дыйканов Кызыл-Кыя шаарынын пробация кызматынын өкүлү Хамдамали Полотов жана медиатору Кумара Имаровалар менен жолугушушту.
Жолугушууда медиация боюнча кыскача маалымат берилип, медиаторлордун көмөктөшүүсү менен талашты жөнгө салуунун жол-жоболору жөнүндө, ошондой эле өз ара кызматташуусунда жана пробация институтунда пайда болгон көйгөйлүү маселелер каралып, аларды чечүү жолдоруна токтолушту.
Мындан тышкары, судьялар медиаторго жана пробация өкүлүнө усулдук жардам көрсөтүшүп, сотторго берилген ыйгарым укуктардын чегинде көмөк көрсөтүп, айрым маселерди чечүүгө даяр экенин билдиришти.
Белгилей кетсек, мындай жолугушуу Баткен облусунун Кызыл-Кыя шаардык сотунун белгиленген иш планын аткаруунун алкагында өткөрүлүп жатат.
