Бүгүн, 2021-жыдын 1-октябрында Ысык-Көл облустук сотунда Карылардын эл аралык күнүнө карата салтанаттуу иш чара болуп өттү. Жыйынга облустук соттун судьялары менен аппарат кызматкерлери жана сот тутумунун ардагерлери катышышты.
Ысык-Көл облустук сотунун төрагасы Гулкайыр Алиева Мыскал Кенжебаеваны, Болот Асанбаевди, Оторбай Джаркимбаевди жана Сабыр Соодонбековду Ысык-Көл олусунун жергиликтүү сотторунун судьяларынын атынан куттуктап, аларга бекем ден соолук, узун өмүр жана бакубат жашоо каалап, акчалай сыйлыктарды тапшырды.
Сот тутумунун ардагерлери Ысык-Көл облусунун судьялар корпусуна ыраазычылык билдиришип, кезектешип эмгек жолдору жөнүндө маалымат беришти. Ошондой эле аппарат кызматкерлерине насааттарын беришип, иштерине ийгиликтерди каалашты.
Белгилей кетсек, Ысык-Көл облусунун жергиликтүү сотторунун судьялары жыл сайын сот тутумунун ардагерлерин майрамдары менен куттукташып, алардын ден соолугунан кабар алып келишет.
