Урматтуу кыргызстандыктар, кымбаттуу балдар!
Сиздерди эң кубанычтуу жана жаркын жай майрамы – Балдарды коргоонун эл аралык күнү менен чын дилимден куттуктайм!
Бул күнү мен ар бир балага ден соолук, камкордук жана мээримге бөлөнүшүн каалайм. Биздин коомдун ийгилиги ар бир баланын ийгилигинен көз каранды, анткени ар бир жарандын тагдыры өлкөнүн тагдыры менен ажырагыс байланышкан.
Ошондой эле мамлекетибиздин өнүгүшүнө салым кошо турган күчтүү инсандарды тарбиялоого умтулуп, балдарыбызга сүйүүсүн жумшап жаткан бардыгыңыздарга терең ыраазычылык билдирем.
Урматтуу балдар!
Дени сак, акыл-эстүү жана адептүү болушуңарды каалайм. Жүзүңөрдөн ар дайым жылмаюу кетпей, турмуштагы жолуңар байсалдуу болсун!
