Жумгал райондук сотунун демилгеси менен өспүрүмдөр арасында кылмыштуулукту алдын алуу багытында ачык эшиктер күнү өткөрүлдү . Бул жолу иш чаранын коноктору Чаектеги Мидин Алыбаев атындагы орто мектептин 11- классынын окуучулары болушту.
Жумгал райондук сотунун төрагасынын милдетин аткаруучу, судья Куралбек Бектемиров өспүрүмдөр арасында жасалып жаткан кылмыштуулуктун сот практикасында байма-бай жолугуп жаткан түрлөрүнө токтолуп, анын жоопкерчиликтери тууралуу айтып берди.
Ошондой эле бул күнкү иш чарага райондук прокуратуранын, райондук ички иштер бөлүмүнүн өкүлдөрү жана райондук билим берүү бөлүмүнүн башчысы да катышып, өздөрүнө тиешелүү иш пландары тууралуу маалымат беришти.
Жолугушуунун жүрүшүндө окуучулар өздөрүн кызыктырган бир катар суроолорго жоопторду алышты.
Нарын облустук сотунун басма сөз катчысы Барктабас Белеков