2020-жылдын 6-апрелинде Ысык-Көл областтык сотунун судьяларынын жалпы чогулушунда жаңы жетекчилик шайланды. Жыйында судьялар Алиева Гулкайыр  Сакешовнанын талапкерлигин аталган соттун төрайымынын ордуна бир добуштан колдошту. Ал эми административдик жана экономикалык иштер боюнча Ысык-Көл областтык сотунун төрайымынын орун басары болуп Аманов Канат Аманович, жазык иштери жана административдик укук бузуулар жөнүндөгү иштер боюнча  орун басары болуп Омуралиева Анара Медербековна жана жарандык иштер боюнча орун басары болуп Жаныбеков Медер Жаныбекович шайланышты.

Эскерте кетсек, Кыргыз Республикасынын «Кыргыз Республикасынын сотторунун       статусу       жөнүндөгү»      Конституциялык       Мыйзамынын 24-беренесине ылайык соттордун төрагалыры жана орун басарлары тиешелүү жергиликтүү соттордун судьяларынын чогулушунда үч жылдык мөөнөткө шайланышат.

Ысык-Көл областтык сотунун басма сөз катчысы

Гульзада Аширбаева