Бишкек шаарынын Свердлов райондук сотунда Кыргыз Республикасынын Өкмөтүнө караштуу Интеллектуалдык менчик жана инновациялар мамлекеттик кызматынын өкүлү А.Б. Шадыканова, патенттик укук чөйрөсүндөгү  эксперт  А.Ф.Федорва жана патенттик ишенимдүү өкүл  А.М. Вандаевдер менен жолугушуу болду.

Тараптар автордук укук чөйрөсүндөгү  Кыргыз Республикасынын мыйзамдарын — «Товардык белгилер, тейлөө белгилери жана товарлар чыгарылган жерлердин аталыштары жөнүндө» Кыргыз Республикасынын Мыйзамын, Кыргыз Республикасынын “Техникалык жөнгө салуунун негиздери жөнүндө” Мыйзамын талкууга алышты.

Сүйлөшүүлөрдүн жүрүшүндө автордук укук чөйрөсүндө ишти караштуулугу  боюнча  маселелер, далилдер жана аны чогултуу процесси, далилдөө предметтери жөнүндө пикир алмашуу болду.  Жолугушуунун жыйынтыгында бул категориядагы талаш-тартыш маселелерди чечүүдө Свердлов сотунун судьялары тарабынан мыйзамдарды колдонуу практикасын өнүктүрүү жөнүндө бир пикирге келишти.