Шайлоо жана референдум өткөрүү боюнча Борбордук комиссиясынын 2020-жылдын 3-сентябрындагы чечими менен «Актив» саясий партиясы тарабынан көрсөтүлгөн Кыргыз Республикасынын Жогорку Кенешине депутаттыкка талапкерлердин тизмесин каттоого баш тартылган.
«Актив» саясий партиясы тарабынан шайлоо күрөөсүн төккөндүгү туурасында ырастоочу документ берилген эмес. Ошондой эле мыйзамда көрсөтүлгөндөй талапкерлердин тизмесинин тартиби сакталган эмес.
Бул чечимге “Актив” саясий партиясы макул болбой 2020-жылдын 5- сентябрында Бишкек шаарынын Административдик сотуна кайрылган.
Бишкек шаарынын Административдик сотунун 2020-жылдын 7-сентябрындагы чечими менен «Актив» саясий партиясынын БШКнын 2020-жылдын 3-сентябрындагы чечимин жараксыз табуу туурасындагы арызы канааттандыруусуз калтырылган.
Бүгүн, 2020-жылдын 14-сентябрында, Кыргыз Республикасынын Жогорку сотунун Административдик иштер боюнча соттук коллегиясы биринчи инстанциянын чечимин күчүндө калтырды.