2019-жылдын 2-сентябрында Жалал-Абад областтык сотунун кылмыш иштер жана административдик укук бузуулар боюнча төрагасынын орун басары Б.С.Султанканов Кара-Көл шаардык сотунун судьялары Н.М.Миркамилов, П.Ж.Ыманбеков жана Кара-Көл шаарынын мэри И.М.Еркеев менен биргеликте шаардын имамдары, аксакалдары менен жолугушуу өткөрдү. Жолугушуу Кара-Көл шаарындагы жаңы курулуп бүтүп жаткан мечиттин имаратында өттү.
Жолугушуу учурунда алар коомго коопсуздук жаратып жаткан диний экстремизм жана терроризм маселелери боюнча, ошондой эле үй-бүлөөлүк зомбулук тууралуу маектешип, жаштарга туура тарбия берүү менен жогорудагы терс көрүнүштөрдүн алдын алуу маселелерин талкуулашты.
