Бүгүн, 12-сентябрда Кыргыз Республикасынын Жогорку сотунун төрагасы Замирбек Базарбеков Жалал-Абад облусунун Тогуз-Торо райондук сотуна иш сапары менен барды.

Имараттын абалы менен таанышып, курулуш учурундагы кемчиликтерди өз көзү менен көргөн Замирбек Базарбеков аткаруу мөөнөтүн белгилеп, аларды жоюу боюнча тиешелүү тапшырмаларды берди.

Андан соң, аталган соттун кызматкерлери менен жолугушуу өткөрүлдү. Жогорку соттун төрагасы сот тутумунун кызматкерлерин ишиндеги кемчиликтери үчүн сынга алып, мыйзамдын талаптарын, нормаларын так аткарып, сот адилеттигин ишке ашыруунун сапатын жогорулатуу үчүн талыкпай иштөөнү талап кылды. Мындан ары   иште мыйзам бузууларга жол бербөө тапшырмасы берилип, жүктөм аз болгонуна байланыштуу төрага үлгүлүү иштөөнү  талап кылды.