Бүгүн, 2023-жылдын 4-августунда, Кыргыз Республикасынын Жогорку соттун төрагасы Замирбек Базарбеков төраганын орун басарларынын,  Сот департаментинин жана Жогорку соттун Аппаратынын жетекчилигинин катышуусунда жергиликтүү соттордун төрагалары менен видеоконференция аркылуу кеңешме өткөрдү.

Жыйындын жүрүшүндө Жогорку соттун төрагасы сот реформасынын үчүнчү этабы жүрүп жатканын, анда сот адилеттигин сапаттуу ишке ашырууга, анын ичинде иштерди өз убагында кароого негизги басым жасала турганын баса белгиледи.

Ошону менен бирге төрага иш аракеттерин мыйзамдардын чегинде так жүргүзүлүшүн, эмгек жана аткаруу тартибин сактоону, сот чечимдеринин аткарылышына соттук көзөмөлдү күчөтүүнү талап кылды.

Ошондой эле басма сөз катчылары институту маанилүү роль ойноп жаткан сот тутумунун ишмердүүлүгү тууралуу калкка маалымдоо иштерин активдештирүү тапшырылды.