2021-жылдын  4-октябрдан 7-октябрга чейин Түркиянын Анкара шаарында Түрк кеңеши Адилет академияларынын биринчи отуруму болду.

Иш чарага  Кыргыз Республикасынын Жогорку сотуна караштуу Сот адилеттигинин жогорку мектебинин директору  Элмира Байтикова жана Жогорку соттун аппарат кызматкери Айгерим Шамурзаева катышышты.

Ошондой эле  аталган биринчи отурумга Кыргызстандан сырткары, Азербайжан, Казакстан, Өзбекстан жана Түркиядан делегаттар келишкен.

Иш чаранын алкагында сотторду окутуу чөйрөсүндө жалпы стратегияларды жана кызматташтыкты иштеп чыгуу, көйгөйлөр, чечимдер туурасында  талкуу болду.

Мындан тышкары анын катышуучулары Түрк Кеңешинин алдында  Түрк сот академияларынын биримдигин түзүү мүмкүнчүлүгүн баалоо маселесин карашты.

Ковид-19 пандемияда сот адилеттигинде жаңы окуу практикасы жана мүчө-мамлекеттердин сот адилеттиги окуу жайларынын презентациялары жасалды.

Делегация өкүлдөрү Түркиянын Жогорку кассациялык сотунун төрагасы Мехмет Акарджа, кассациялык соттун башкы прокурору  Бекир Шахин, Административдик иштер боюнча Жогорку соттун төрагасы  Зеки Йигит, ошондой эле судьялар кеңеши жана прокуорлор менен   менен жолугушту.

Иш чаранын катышуучулары бири-бирине белектерди тапшырып, мындан ары дагы тыгыз кызматташтыктарды уланта тургандыктарын ырасташты.