Бүгүн, 2021-жылдын 13-июлунда, Кыргыз Республикасынын Жогорку сотунун төрайымы Нургуль Бакирова Жалал-Абад облусунун Аксы районунда жүргөн селдин кесепетинен улам каза болгондордун жана жабыркагандардын үй-бүлөлөрүнө көңүл айтты.

Эскерте кетсек, 12-июлда кечке маал Аксы районунун Ак-Жол айыл өкмөтүнө караштуу жайлоолордун биринде катуу нөшөрдүн кесепетинен сел жүрүп, суу сегиз кишини агызып кеткен.

Нургуль Бакирова жеке өзүнүн жана сот тутумунун атынан табигый кырсыктан улам каза болгондордун үй-бүлөлөрүнүн азасын тең бөлүшө тургандыгын билдирди.