Кыргыз Республикасынын сот системасындагы маалымат ресурстары
KG
Ишеним телефону 0 (312) 62-19-26 Бишкек шаары, Абдумомунов көчөсү 205
Подать обращение

Жаңылыктар

Кыргыз Республикасынын Президентинин 2019-жылдын 11-январындагы “2019-жылды Региондорду өнүктүрүү жана өлкөнү санариптештирүү жылы деп жарыялоо жөнүндөгү” № 1 Жарлыгын ишке ашыруу алкагында, соттук–укуктук реформалоого байланыштуу киргизилип жаткан жергиликтүү соттордо соттун автоматташтырылган маалымат системасын (АМС) программалык камсыздоо, Кыргыз Республикасынын Жогорку сотуна караштуу Сот адилеттигинин жогорку мектеби тарабынан 2019-жылдын 11-июлунан 11-сентябрына чейин бүткүл республикалык масштабда, 41 тайпага соттун төрагалары, судьялары жана сот аппаратынын кызматкерлери үчүн иштерди электрондук каттоо жана электрондук учеттук –статистикалык карталарды түзүү маселеси боюнча үч күндүк тренингдер өткөрүлүп жатат жана өткөрүлөт. Тренерлер катары 2019-жылдын 22-апрелинен 26-апрелине чейинки аралыкта жана 8-9-июлда аталган маселе боюнча тренерлер үчүн тренингден (ТоТ) өткөн судьялар жана сот тутумунун кызматкерлери чыгышат, судья –эксперттердин курамына мурда Чүй облусунун Аламүдүн райондук сотунун суьясы – Узакбаев А.Н.,  Бишкек шаардык Свердлов райондук сотунун судьясы – Сабырова Ж.Ж. жана Ош облусунун райондор аралык сотунун судьясы – Сарыбаев Б.А. киришкен. Азыркы учурда тренерлердин эксперттик курамы Чүй облусунун Райондор аралык сотунун төрагасы — Ахметова А.К., Ысык-Көл облустук Райондор аралык сотунун төрагасы – Тагаев М.М., Бишкек шаардык сотунун судьясы — Досмамбетов А.А., Бишкек шаардык Ленин райондук сотунун судьясы — Сыдыгалиев Б.А., менен толукталды. Судьяларды жана сот аппаратынын кызматкерлерин окутуу процесси Бишкек жана Ош шаарларындагы компьютердик залдарда төмөндөгү даректер боюнча окутулуп жатат жана окутулат: Бишкек шаарында — 2019 – жылдын 11-июлунан 14-августуна чейин: 1). Сот адилеттигинин жогорку мектеби (Москва көчөсү, 201); 2). Кыргыз Республикасынын Сотторду тандоо кеңеши (Табышалиев көчөсү, 15); 3). Кыргызстан Эл аралык университети (Чүй пр., 225); 4). Бишкек каржы-экономика академиясы (Жаш гвардия бул., 55). Ош шаарында — 2019-жылдын 11-июлунан 11-сентябрына чейин: 1). Ош мамлекеттик университети (Разаков көчөсү, 21) Тренинг Сот адилеттигинин жогорку мектебинин 2019-жылга карата Окуу планына ылайык Европа  биримдигинин “Кыргыз Республикасында укук  үстөмдүгүнүн 2-фазасы” Программасы жана Кыргыз Республикасында Укукту өнүктүрүү боюнча Эл аралык уюму (IDLO) менен бирдикте өткөрүлүп жатат.
Бүгүн, 2019-жылдын 11-июлунда, Франциянын Бордо шаарында Кыргыз Республикасынын Жогорку сотунун төрайымы Гульбара Калиева менен Франциянын Улуттук магистратура мектебинин директору Оливье Лёран жолугушту. Жолугушуу  Европа  биримдигинин “Кыргыз Республикасында укук  үстөмдүгүнүн 2-фазасы” Программасынын колдоосу  менен   Улуттук магистратура мектебинде уюштурулган  тренерлер үчүн тренингдин алкагында өттү. Сүйлөшүүлөрдүн жүрүшүндө тараптар  электрондук окутуу маселелерин талкуулап, сынактарды өткөрүү жана көнүмдөрдү ырастоо боюнча бөлүмдүн бет ачаары, ошондой эле баштапкы окутуулар, педагогикалык программаларды окутуу жана иштеп чыгууга багытталган  окуу бөлүмүнүн ишин карашты. Мындан тышкары кыргыз делегациясы Улуттук магистратура мектебинде болуп, анын структурасы жана иши менен таанышышты. Эсиңиздерге сала кетели, семинарга  Жогорку соттун төрайымынын орун басары  Нургуль Асанова, Жогорку соттун судьясы, Судьялар кеңешинин төрагасынын орун басары жана аталган кеңештин  бюджеттик комиссиясынын төрайымы Чинара Садырова, Жогорку соттун судьясы Шералы Камчибеков, мындан тышкары мурдагы судьялар жана  Жогорку соттун алдындагы Сот адилеттигинин жогорку мектебинин  туруктуу окутуучулары Мадина Давлетбаева жана Эмиль Аксамаевдер катышууда. Белгилей кетүүчү жагдай, Улуттук магистратура мектеби – магистранттарды  кесиптик жактан даярдай турган жана кайра даярдап чыгара турган (судьяларды жана прокурорлорду) окуу жайы болуп саналат.  
Кыргыз Республикасынын Жогорку сотунун төрайымы  Гульбара Калиева Франциянын Бордо шаарында  2019-жылдын 8 -12-июлга чейин Улуттук магистратура мектебинде өтүп жаткан тренерлер үчүн тренингдин ишине катышууда. Ошондой эле тренингге Жогорку соттун төрайымынын орун басары  Нургуль Асанова, Жогорку соттун судьясы, Судьялар кеңешинин төрагасынын орун басары жана аталган кеңештин  бюджеттик комиссиясынын төрайымы Чинара Садырова, Жогорку соттун судьясы Шералы Камчибеков, мындан тышкары мурдагы судьялар жана  Жогорку соттун алдындагы Сот адилеттигинин жогорку мектебинин  туруктуу окутуучулары Мадина Давлетбаева жана Эмиль Аксамаевдер катышууда. Иш чара Европа биримдигинин“Кыргыз Республикасында укук үстөмдүгүнүн 2-фазасы” Программасы  тарабынан уюштурулган. Тренингдин максаты соттук даярдоо институтунун  ишмердүүлүгүнүн спецификасын эске алуу менен окутуу  иш чараларын  иштеп чыгуу. Мындан тышкары  тийиштүү ыкмаларды жана мүмкүнчүлүктөрдү аныктап, соттук даярдоо институтунун  спецификасын  эске алуу менен окутуу муктаждыктарын аныктоо жана башкалар бар. Кыргыз делегациясын “Кыргыз Республикасында укук  үстөмдүгүнүн 2-фазасы”  Долбоорунун эксперти Радость Тофтисова-Матерон жана  улуттук  эксперт Залина Абдулхафизовалар коштоп жүрүшөт. Тренингдин катышуучулары педагогикалык  комплекстүү долбоорлоо, тагыраак айтканда окутуу иш чаралары кантип даярдалып чыгарын таанышып, билимдин, билгичтиктин жана баарлашуунун көнүмдөрүнүн айырмачылыктарын окушту. Мындан тышкары  окутуунун комплекстүү  принциптерин жана баалоонун шарттарын  карашып талкуулашты. 11-12-июлда кыргыз делегациясы Улуттук магистратура мектебинин өкүлдөрү менен жолугушуп,  электрондук  окутуу маселесин карашып,  аталган мектептин структурасы жана алардын иши менен жакындан таанышып чыгышат.
8-июлда Сот адилеттигинин жогорку мектебинин  окуу залында иштерди электрондук каттоо жана электрондук учеттук-статистикалык картаны түзүү маселелери боюнча тренерлер үчүн эки күндүк тренинг өз ишин баштады. Тренингдин катышуучулары болуп республикадагы жергиликтүү соттордун 5 судьясы катышууда. Тренингдин максаты –  соттун АМС менен иштөө боюнча практикалык көндүмдөргө окутуу. Тренингдин жыйынтыгы боюнча  катышуучулар соттун АМСда ишти электрондук каттоо үчүн керек болгон билимге жана көндүмдөргө ээ  болушуп, республикалык масштабда бардык судьяларды , судьянын жардамчыларын жана соттун катчыларын андан ары окута алышат. Өткөрүлүп жаткан тренингде тренерлер катары  Ош облусунун Райондор аралык сотунун төрагасы – Сарыбаев Бакыт Абдылдаевич, Чүй облусунун Аламүдүн райондук сотунун судьясы — Узакбаев Азамат Насырович, CBI компаниясынын Долбоорунун менеджери – Исмаилов Илзат  чыгышат. Аталган иш чара Сот адилеттигинин жогорку мектеби тарабынан “Кыргыз Республикасындагы укук үстөмдүүлүгү – 2 Фаза” Европа биримдиги Долбоорунун колдоосу менен уюштурулду. Тренингдин аягында жыйынтыктар чыгарылып, сертификаттар тапшырылат.
Бүгүн, 2019-жылдын 5-июлунда, Кыргыз Республикасынын Жогорку сотунда, “Соттук процесстерди чагылдыруу” деген аталыштагы видеоконференция болуп өттү. Аталган иш чарага сот тутумунун басма сөз катчылары, жергиликтүү жана регионалдык журналисттер, медиа эксперттер – Толкунбек Турдубаев жана Марс Тулегеновдор катышты. Видеоконференциянын жүрүшүндө массалык маалымат каражаттарында соттук процесстерди чагылдыруу боюнча бир катар маселелер көтөрүлдү. Ошондой эле, журналисттердин жана сот тутумунун ортосундагы түшүнүксүз, талаш-тартыш жараткан учурларды жана журналисттер тараптан түшкөн суроолорго оперативдүү жооп кайтаруу тууралуу  ой пикирлер айтылды. Алыскы аймактагы журналисттер сот тутумун чагылдыруу боюнча, соттордун катышуусу менен тренинг, семинарларды уюштуруп берүү тууралуу тилектерин билдиришти. Мындан тышкары эксперттер семинарларды өткөрүү боюнча жардам берүүгө даяр экендиктерин айтып өтүштү. Ал эми Кыргыз Республикасынын Жогорку сотунун басма сөз кызматы  журналисттердин бардык суроолоруна жооп беришип, ММКлар арасында сот тутумун чагылдыруу боюнча сынак жарыялана тургандыгын жана жакынкы убакта журналисттер арасында жылдык аккредитация башталаарын маалымдашты. Ошондой эле, журналисттер арасында укуктук билим деңгээлин жогорулатуу максатында атайын тренинг, семинарларды өткөрүү пландаштырылгандыгын  кошумчалашты. Видеоконференциянын жыйынтыгында катышуучулар тыгыз кызматташууга даяр экендиктерин баса белгилешти.
«Биз таза жана адилеттүү сот-укуктук системаны түзүү боюнча коом алдында милдетти алдык», — деп баса белгиледи Кыргыз Республикасынын Президенти Сооронбай Жээнбеков бүгүн, 2-июлда, өлкөдөгү сот-укуктук реформа маселелери боюнча кеңешмеде. Кеңешмеде сотко чейинки жана соттук өндүрүштү санариптештирүү, «тергөөчү судья», «пробация» институттарын киргизүү маселелери, Кылмыштардын жана жоруктардын бирдиктүү реестрин, Бузуулардын бирдиктүү реестрин ишке киргизүүнүн учурдагы абалы талкууланды. Мамлекет башчысы белгилегендей, сот-укуктук реформаны жүргүзүү коррупциялык көрүнүштөрдү жок кылуу маселелери бүгүнкү күнгө чейин чечилбей жатканынан улам келип чыккан. Ал көйгөйлөрдү атап, жүргүзүлүп жаткан реформаны тездетүү чараларын активдештирүү зарылдыгын баса белгиледи. «Укук колдонуучулар жаңы форматта иштөөгө өтүшпөй, ката кетирип коюудан коркушуп, жаңы өзгөртүүлөрдү колдонбой жатышат. Жооптуу адамдар ушул мезгилге чейин реформанын концепциясын түшүнбөй, кол астындагыларына убагында зарыл түшүндүрмөлөрдү бере алышпады. Айрым укук коргоо органдарынын жетекчилери өздөрү анын негизги багыттарын түшүнбөгөнү өкүнүчтүү», — деп белгиледи Сооронбай Жээнбеков. Ал өлкөдө башталган сот-укуктук реформа кагаз жүзүндө эле калат деген жарандардын тынчсыздануусу пайда болгонуна көңүл бурду. «Өткөн жылдын декабрында сиздер бардык пландалган иш-чаралар өз убагында ишке ашат, бардык тендерлер өткөрүлүп, жер-жерлерге жабдуулар коюлат, Кылмыштар жана Бузуулар реестрлери ишке киргизилет, интернет бүт жерге жеткирилет деп айткансыздар. Бирок реестр, санариптештирүү, тендер, электрондук жабдууларды орнотуу боюнча иштер аксап жатат», — деп белгиледи Президент. Сооронбай Жээнбеков ошондой эле жаңы кодекстерди ишке киргизүүдө мурдагы нормалар менен болгон карама-каршылыктарды жоюу иши бүтө электигин баса белгиледи. «Айрымдар мыйзамдарды кайра карап чыгуу аркылуу эски практиканы калыбына келтиргиси келери мага белгилүү. Биз ага жол бербешибиз керек», — деди ал. Президент бардык уюштуруу иш-чараларын өз убагында каржылоону камсыз кылуунун, бөлүнгөн каражаттарды натыйжалуу пайдалануунун, жакынкы болочокто аткарылчу иштерди так пландоонун маанисин белгиледи. «Каржылоону создуктуруу учурлары бар, реформа боюнча иш-чаралар планы жок. Бирок жалпысынан алганда реалдуу проблемалар анча деле көп эмес. Аларды чечүү үчүн кошумча аракеттер керек, принципиалдуу тоскоолдуктар жок. Сиздер отчет берүү менен эле кутулуп кетем деп ойлобогула. Бул реформа аягына чыкмайынча, анын натыйжаларын жарандарыбыз жон териси менен сезмейинче — силерге тынчтык бербейм. Бул реформа өлкөбүз үчүн өтө керек», — деп баса белгиледи Президент Сооронбай Жээнбеков. Кеңешмеде эксперттик иш тобунун мүчөлөрү Гүлмира Маматкеримова, Лейла Сыдыкова, Тахмина Ашуралиева, Богатырь Сапарбаев 2019-жылдын биринчи жарымында жер-жерлерде соттук-укуктук реформаны илгерилетүү боюнча ишке тартылган мамлекеттик органдардын ишмердигин мониторингдин жыйынтыктары жөнүндө маалымат менен тааныштырышты. Алар төмөнкүлөрдө жетишсиз жумуш жүргүзүлүп жатканын белгилешти: мамлекеттик органдар тарабынан, анын ичинде укук колдонуучулар жана мамлекеттик органдардын жетекчилерин окутуу боюнча уюштуруу чараларынын төмөндөшү, Маалыматтык технологиялар жана байланыш мамлекеттик комитетинин спецификасы боюнча сапатсыз жабдууларды сатып алуу (компьютерлер, тергөөчүлөрдүн кабинеттери үчүн видекамералар), пробация системасын түзүүнүн жай болушу, сот-укуктук реформанын иш-чараларына донорлордун жардамын тартуу. Ошону менен бирге өздөрү көзөмөлдөгөн багыттар боюнча Жогорку соттун төрайымы Гүлбара Калиева, башкы прокурор Өткүрбек Жамшитов, вице-премьер-министр Жеңиш Разаков, ички иштер министри Кашкар Жунушалиев, УКМК төрагасы Орозбек Опумбаев, Экономикалык кылмыштарга каршы күрөшүү боюнча мамлекеттик кызматтын төрагасы Бакир Таиров, жазаларды аткаруу мамлекеттик кызматынын төрагасы Мелис Турганбаев жана Маалыматтык технологиялар жана байланыш мамлекеттик комитетинин төрагасы Дастан Догоев чыгып сүйлөштү. Кеңешменин жыйынтыгы боюнча ишке тартылган мамлекеттик органдарга өлкөдө соттук-укуктук реформанын жүрүшүн тездетүү боюнча тийиштүү протоколдук сунуштар жана тапшырмалар берилди. Ошондой эле Президент Сооронбай Жээнбеков КР Өкмөтүнө ыкчам тартипте Жол картасын иштеп чыгууну жана аны мындан ары илгерилетүүнү камсыздоону тапшырды. Келерки ушундай кеңешме, Президенттин тапшырмасына ылайык, 2019-жылдын октябрь айында өтөт. Эске салсак, 2019-жылдын 1-январынан тартып, Кыргызстанда жаңы институттарды киргизүүнү, тергөө бөлмөсүн жана сот отурумдары өтүүчү залдарды санариптештирүүнү ж. б. караган жаңы 5 Кодекстер жана 2 мыйзамдар күчүнө кирген. Буга байланыштуу Президент Сооронбай Жээнбековдун демилгеси боюнча соттук-укуктук реформанын алкагындагы иш-чараларды натыйжалуу аткарылышын мониторинг кылуу боюнча атайын эксперттик жумушчу тобу түзүлүп, иштеп жатат.
Кыргыз Республикасынын Жогорку сотунун төрайымынын орун басары Нургуль Асанова “Заманбап юристтин образы: укук системага болгон чакырыктар” деген аталыштагы  Улуттук юридикалык форумдун ишине катышты. Иш чаранын максаты – укуктук норма чыгаруу, укук колдонуу практика  чөйрөсүндөгү  жана юридикалык билим берүүдөгү актуалдуу маселелерди талкуулоо болду. Форум төрт сессияда: аял укуктуу- панелдик талкуу,  кесиптик юридикалык ишмердүүлүктөгү укуктук маданият, заманбап юридикалык билим берүүнүн көйгөйлөрү жана юридикалык кызмат рыногун өнүктүрүүнүн тенденциясы. Өз сөзүндө Нургуль Асанова бардык катышуучуларды юристтер күнү менен куттуктады. “Сиздердин ак ниет эмгегиңиздердин аракети менен Кыргыз Республикасы дүйнөдөгү укуктук жана демократиялуу өлкө экендиги бекемделет. Ошону менен катар эле, кесиптик ишибизден дагы, биздин адамдык сапатыбыз жогору турарын унутпаңыздар.  Буга байланыштуу, бардык юристтерге алдыга умтулуу үчүн өзүн өркүндөтүүнүн үстүнөн   дайыма иштеп турууга чакырат элем ”,- деп  билдирди ал. Форум жүздөн ашык катышуучуларды чогулткан:  академиялык жана бизнес коомчулугунун, бейөкмөт уюмдардын өкүлдөрү, ошондой эле юристтер, юридикалык адистикти аркалаган студенттер жана өлкөнүн кызыктар болгон жарандары катышышты. Иш чара Кыргызстандын Юридикалык Коомчулугу менен Кыргыз Республикасынын Өкмөтүнүн алдындагы Кыргыз Мамлекеттик Юридикалык Академиясы биргеликте уюштурушкан.
Кыргыз Республикасынын Жогорку сотунун, жергиликтүү сотторунун судьялары, аппарат кызматкерлери жана ардагерлер кеңеши Кыргыз Республикасынын Жогорку  сотунун  мурдагы төрагасы Курманбек Осмоновдун жубайы  Чымбаева Жакин  Жумабековнанын мезгилсиз дүйнө  салгандыгына байланыштуу терең кайгыруу менен көңүл айтат.  Жаткан жери жайлуу, топурагы торко болсун. Сиздин үй-бүлөңүздүн, туугандарыңыздын жана жакындарыңыздын орду толгус кайгысын тең бөлүшөбүз.
161 судей привлечено к дисциплинарной ответственности по итогам служебного расследования Дисциплинарной комиссии при Совете судей Кыргызской Республики. Об этом было озвучено сегодня во время круглого стола, который был организован Дисциплинарной комиссией при Совете судей Кыргызской Республики. С октября месяца 2017 по сегодняшний день в адрес Дисциплинарной комиссии поступило 2378 жалоб и представлений (обращений) в отношении судей. Из них по 783 обращениям были проведены служебные расследования и проверки обоснованности поступивших жалоб и представлений. Также Дисциплинарной комиссией по итогам предварительного рассмотрения было возвращено без рассмотрения по существу 1595 и 200 на стадии рассмотрения. Большое количество возвращенных обращений свидетельствует о том, что авторы обращений не были осведомлены о требованиях, предъявляемых ст.13 Закона Кыргызской Республики “О Дисциплинарной комиссии при Совете судей Кыргызкой Республики” к форме и содержанию жалобы и представления, о полномочиях Дисциплинарной комиссии, а также о разнице между обжалованием судебного акта и незаконных процессуальных действий/бездействий судьи. По итогам служебного расследования всего привлечено к дисциплинарной ответственности -161 судей, из которых: -6 судьям наложено дисциплинарное взыскание в виде досрочного освобождения от занимаемой должности, о чем направлены предложения Президенту КР. -11 судьям наложено дисциплинарное взыскание в виде выговора; -31 судьям наложено дисциплинарное взыскание в виде замечания; -103 судьям наложено дисциплинарное взыскание в виде предупреждения; -Из 10 к 8 судьям дано согласие на привлечение к уголовной ответственности, в отношении 2 судей отказано. Напомним, сегодня 28 июня 2019 года с участием судей, адвокатов, представителей государственных органов и гражданского общества проходит круглый стол на тему «Обобщение практики рассмотрения Дисциплинарной комиссией при Совете судей Кыргызской Республики обращений о привлечении судей к дисциплинарной ответственности и других обращений за 2017-2018 год». Модератором круглого стола выступила заместитель председателя Верховного суда Кыргызской Республики Айнаш Токбаева, спикерами выступили председатель Дисциплинарной комиссии при Совете судей Кыргызской Республики Кымбат Архарова, заместитель председателя Дисциплинарной комиссии Чынара Мусабекова и член комиссии Аида Тилекеева. В мероприятии принимают участие кроме членов Дисциплинарной комиссии судьи районных судов города Бишкек, представители Жогорку Кенеша, Аппарата Президента, Генеральной прокуратуры, Совета по отбору судей, Омбудсмена, адвокатуры и гражданского общества. Также приняли участие представители Программы «Верховенство права в Кыргызской Республике -2-я фаза»: Никола Скарамуццо — менеджер проектов отдела по сотрудничеству представительства Европейского союза в Кыргызской Республике, Стефанос Кареклас — руководитель программы Европейского союза «Верховенства права в Кыргызской Республике – 2-ая фаза», Жан-Мари Юе — магистрант в отставке, бывший член Высшего совета магистратуры Франции, почетный Генпрокурор, и представители Международной организации по праву развития в Кыргызской Республике Фред Хьюстон. В ходе круглого стола председатель Дисциплинарной комиссии при Совете судей Кыргызской Республики Кымбат Архарова, заместитель председателя Чынара Мусабекова и член комиссии Аида Тилекеева рассказали об общих статистических сведениях по поступившим и рассмотренным Дисциплинарной комиссией обращениям, об итогах обобщения практики рассмотрения дисциплинарных материалов по основаниям привлечения к дисциплинарной ответственности судей и отказа их привлечении к дисциплинарной ответственности, по видам взысканий за 2017-2018 гг. и ответили на все вопросы участников. Также спикер круглого стола Жан-Мари Юе в своем выступлении рассказал о порядке и статистике привлечения судей к дисциплинарной ответственности во Франции. Участники круглого стола обсудили итоги проведенного обобщения практики рассмотрения Дисциплинарной комиссией при Совете судей Кыргызской Республики обращений о привлечении судей к дисциплинарной ответственности. По итогам обсуждения были сделаны выводы и рекомендации. Отметим, что организатором круглого стола выступила Дисциплинарная комиссия при Совете судей Кыргызской Республики при поддержке программы Европейского союза «Верховенства права в Кыргызской Республике – 2-ая фаза».   Пресс-служба Дисциплинарной комиссии при совете судей Кыргызской Республики Назира Сагыналиева  
Бүгүн, 28-июнда Сот адилеттигинин жогорку мектебинин окуу залында Кыргыз Республикасынын судьялары жана прокурорлору үчүн калыбына келтирүүчү медиация боюнча бир күндүк маалыматтык семинар өз ишин баштады. Саламдашуу сөздөрү менен Кыргыз Республикасынын Жогорку сотуна караштуу Сот адилеттигинин жогорку мектебинин директорунун орун басары — Алымбекова Галия Темирхановна, Кыргыз Республикасынын Башкы прокуратурасынын прокурордук-тергөөчү кызматкерлерин кесиптик даярдоо борборунун директору — Давлетбаева Гулмира Конокбаевна, Кыргыз Республикасындагы өнүгүү укуктары боюнча эл аралык уюмдун Филиалынын (IDLO) директору  —  Уильям Альфред Хьюстон, IDLOнун кеңешчиси — Дильбара Максимбекова белгилегендей, судьялар жана тергөөчүлөр мыйзамга ылайык талаш-тартыш тараптарды маалыматтык жолугушууга, башкача айтканда медиаторго жөнөтүүгө укуктуу. Маалыматтык жолугушуу учурунда медиатор талаш — тартыштын тараптарына медиациянын маани-маңызын жана принциптерин түшүндүрөт, эгер тараптар талаш-тартышты жөнгө салууга макул болушса, медиацияны колдонуу жөнүндө келишимдин шарттары макулдашылат. Башкача айтканда, талаш-тартыш ишин сотко жеткирбей жөнгө салууга болот. Эл аралык тренерлер катары Латвия Республикасынын Мамлекеттик пробация кызматынын коомдук катышуусун медиациялоо жана кординациялоо Департаментинин жетектөөчү эксперти — Диана Зиединя, ал эми улутук тренер катары Кыргыз Республикасынын Өкмөтүнө караштуу  Жазаларды аткаруу мамлекеттик кызматынын Коомдук кеңешинин төрайымы — Омурканова Чолпон Аскербековна чыгышат. Аталган семинарда тренерлер катышуучуларга судьялардын жана прокурорлордун медиаторлор менен кызматташтыгынын жана жаш өспүрүмдөр менен иштөө өзгөчөлүктөрү, ошондой эле латвияда жазык процессинде медиацияны жүргүзүү боюнча Латвиянын Мамлекеттик пробация кызматынын иш тажрыйбасы  менен бөлүшүшөт. Калыбына келтирүүчү медиация – бул  криминалдык жана/же татаал чыр-чатактан келип чыккан кырдаалдарда, адамдардын бири-бирин түшүнүүсүнө жана сүйлөшүүсүнө, көйгөйлөрдү чечүү үчүн  ылайыктуу варианттарды макулдашуу, калыбына келтирүү үчүн (зарыл болгон учурда моралдык зыяндын ордун толтуруу жана келтирилген зыянды толуктоо) медиатор мүмкүнчүлүктү жана шарттарды түзүүчү процесс. Жазык процессинде медиацияны колдонуу процессинин максаты болуп төмөнкүлөр саналат: 1. Медиация процессинде жабырлануучуга көмөк көрсөтүү, коопсуз жана көзөмөлдөнгөн  шартта, жолугушууну ыктыярдуу негизде өткөрүү. 2. Бул укукбузуучуга Кылмыш жосуну жабырлануучуга кандай таасир эткендигин билүүгө жана жасаган кыймыл-аракети үчүн жоопкерчиликти кабыл алууга түрткү берет. 3. Кылмыштын кесепетинен келип чыккан  таасирди жоюу же азайтуу үчүн, жабырлануучу менен укук бузуучунун өз ара келишимге келүүсүнө шарт түзүү. Семинар  Кыргыз Республикасынын Жогорку сотуна караштуу Сот адилеттигинин жогорку мектеби тарабынан  Кыргыз Республикасындагы өнүгүү укуктары боюнча  эл аралык уюмдун филиалынын (IDLOнун) колдооосу менен өткөрүлүп жатат. Семинардын аягында жыйынтык чыгарылып, сертификат тапшырылат.